کوردی
دەسماڵ حەریری سوورە ئەی هاوار قەدی دەڵێی بلوورە
هیچ ڕوحمم پێ ناکا گیان و گیان کافرە و لە خودا بە دوورە
قسە دەکا بە زاری جوانێ ژن دەڵێی ساز و سەمتوورە
ئەی ئەمان یار ئەمان ئاخ گوڵ ئەمانە و ئاخری زەمانە
دەسماڵ حەریری ئابی ئەی هاوار عەمر و چاوەکەم ڕابی
دە بڕۆ بابانت شێوێ شۆڕەژن زووم زانی بۆ من نابی
ئەی ئەمان یار ئەمان ئاخ گوڵ ئەمانە و ئاخری زەمانە
چاوت ئەستێرەی شەوێ ئەی هاوار کوڵمەت دەندووکی کەوێ
باسکم بۆ بکە بە سەرین شۆڕەژن بە جووت خەومان لێ بکەوێ
ئەی ئەمان یار ئەمان ئاخ گوڵ ئەمانە و ئاخری زەمانە
دەسماڵ حەریری سادە شۆڕەژن نە عەیبە نە ئیرادە
بمکوژە بە شەرت جوانێ ئەی هاوار ڕووبەندت بۆ من لادە
ئەی ئەمان یار ئەمان ئاخ گوڵ ئەمانە و ئاخری زەمانە
لەسەر پردێ گرتیان لەنگەر دەستێ نیزامی خۆڵبەسەر
لنگیان دامێ دەستەوخەنجەر بۆ تۆ نەمام ڕەش ئەسمەر
یار ئەمان یار ئەمان ئاخ گوڵ ئەمانە و ئاخری زەمانە
سنگ بەفری کەلیخانە ئەی هاوار یارم دەڵێی جەیرانە
نەخۆشم بۆ لێوئاڵێ ئەی هاوار دەڵێی خەرمانی گوڵانە
ئەی ئەمان یار ئەمان ئاخ گوڵ ئەمانە و ئاخری زەمانە
بەفری بە بای باریوی ئەی ئەمان وەک سوورەگوڵ خەمڵیوی
لە دوێنێوە نەمدیوی نۆجوان گیان لێی دیاری دام هەتیوی
ئەی ئەمان یار ئەمان ئاخ گوڵ ئەمانە و ئاخری زەمانە